អត្តចរិតអន់ថយ និងអត្តចរិតជឿនលឿននៃប្រជាជាតិមួយ

8 203,719

ប្រជាជាតិមួយដែលក្រីក្រ ឬរីកចម្រើន អន់ថយ ឬជឿនលឿន ថោកទាប ឬថ្លៃថ្នូរ អាចឆ្លុះបញ្ចាំងបានតាមរយៈការសង្កេតលើអត្តចរិតជាទូទៅរបស់ប្រជាពលរដ្ឋនៃជាតិនោះ។ ខ្ញុំធ្លាប់រស់នៅនិងរៀនសូត្រក្នុងប្រទេសអាល្លឺម៉ង់ ទៅលេងប្រទេសសឹង្ហបុរី និងធ្លាប់ជួបជជែកជាមួយជនជាតិជប៉ុន ខ្ញុំសន្និដ្ឋានបានថា ជនជាតិ ជប៉ុន អាល្លឺម៉ង់ និងសឹង្ហបុរី ជាជនជាតិដែលមានអត្តចរិត​ជឿន​លឿន។ ទន្ទឹមនឹងនោះ ខ្ញុំក៏ធ្លាប់រស់នៅក្នុង និងទៅទស្សនកិច្ចមើលប្រទេសក្រីក្រ ហើយក៏សង្កេតឃើញអត្តចរិតអន់ថយរបស់ប្រជាពលរដ្ឋនៃប្រទេសទាំងនោះដែរ។ ខាងក្រោមនេះជាលក្ខណៈសម្គាល់អត្តចរិតអន់ថយ និងអត្តចរិត​ជឿនលឿននៃប្រជាជាតិមួយ។

ក) លក្ខណៈសម្គាល់ ៥ចំណុចនៃអត្តចរិតអន់ថយ
១. ពឹងលើគេ

នៅពេលសង្គមជួបប្រទះវិបត្តិ ឬបញ្ហាអ្វីមួយ អ្វីដែលពួកគេនឹកគិតជាដំបូងគឺ ការស្វែងរកជំនួយ អន្តរាគមន៍ ឬដំណោះស្រាយពីអ្នកដទៃ ប្រទេសដទៃ ឬសហគមន៍អន្តរជាតិ។ គេគ្មានជំនឿជាក់លើសមត្ថភាពខ្លួនឯង និងមិនទុកចិត្តលើជាតិសាសន៍ឯងក្នុងការដោះស្រាយបញ្ហាទេ។ ស្មារតីពឹងលើគេនេះច្រើនបង្កបញ្ហាតូចឲ្យទៅជាធំ បង្កើតជម្លោះផ្ទៃក្នុង និងរារាំងការសាមគ្គីជាតិ។

២. ខ្ជិលច្រអូស

ពលរដ្ឋមានអត្តចរិតអន់ថយច្រើនតែខ្ជិលច្រអូស មិនគោរពពេលវេលា ចូលចិត្តចំណាយពេលលើរឿងឥតប្រយោជន៍ដូចជា និយាយដើមគ្នា លេងល្បែង ឬអង្គុយរអ៊ូរទាំត្អូញត្អែរចំពោះបញ្ហាទាំងឡាយដែលកើតឡើងក្នុងសង្គម តែមិនធ្វើសកម្មភាពអ្វីទេ។ ទម្លាប់នេះធ្វើឲ្យជាតិមួយនៅក្រីក្រងើបមិនរួច ហើយពលរដ្ឋត្រូវបង្ខំចិត្តទៅធ្វើជាកម្មករឲ្យជាតិសាសន៍គេដើម្បីរស់ចម្អែតក្រពះ។

៣. គ្មានវិន័យ

អ្នកអាចដឹងអំពីជនជាតិមួយដែលគ្មានវិន័យតាមរយៈការសង្កេតលើការចោលសំរាមគ្មានរបៀប ការមិនចេះឈរតម្រង់ជួរ និងការបើកបរគ្មានសណ្តាប់ធ្នាប់។

៤. ខ្លៅ ខ្លាច ឃ្លាន

ប្រជាពលរដ្ឋអន់ថយមិនយកចិត្តទុកដាក់ក្នុងការរៀនសូត្រ អានសៀវភៅ ឬអានកាសែត ឬក៏ស្វែងយល់អំពីបញ្ហាសង្គម និងនយោបាយទេ។ ការមានចំណេះដឹងទាបធ្វើឲ្យពួកគាត់មិនអាចរកចំណូលបានច្រើន រស់នៅជាមួយសេចក្តីភ័យខ្លាចចំពោះការសម្លុតគំរាមផ្សេងៗ តែស្រេកឃ្លាននឹងអំណោយបន្តិចបន្តួច ដើម្បីចម្អែតក្រពះមួយគ្រាៗ។ ជាលទ្ធផល ប្រជាពលរដ្ឋមានអត្តចរិតអន់ថយងាយស្រួលគេគំរាម ទិញ ឬបញ្ឆោត ហើយជាលទ្ធផលមិនងាយទទួលបានអ្នកដឹកនាំល្អទេ ពីព្រោះពួកគាត់មិនដឹង មិនយល់ និងមិនខ្វល់។

៥. មានជំនឿមិនសមហេតុផល

ដោយសារតែភាពទន់ខ្សោយនៃចិត្ត និងសេចក្តីល្ងង់ខ្លៅ ប្រជាពលរដ្ឋដែលមានអត្តចរិតអន់ថយចូលចិត្តជឿលើរឿងមិនសមហេតុផល ដូចជាការជឿលើគ្រូទាយ ជឿលើមនុស្ស ឬព្រះសង្ឃមានមន្តអាគមគាថា ឬការឆបោកផ្សេងៗ រួមទាំងការបោកបញ្ឆោតក្នុងល្បែងនយោបាយផងដែរ។

ខ) លក្ខណៈសម្គាល់ ៥ចំណុចនៃអត្តចរិតជឿនលឿន
១. ឧស្សាហ៍ព្យាយាម

ប្រជាពលរដ្ឋដែលមានអត្តចរិតជឿនលឿនគឺជាពលរដ្ឋដែលឧស្សហ៍ព្យាយាម ខំប្រឹងបំពេញកិច្ចការ មិនថាការងារក្រុមហ៊ុន ការងារស្ថាប័ន ឬការងារផ្ទះទេ។ ភាពឧស្សាហ៍បានក្លាយជាទម្លាប់ប្រចាំថ្ងៃរបស់គេ។ ក្នុងការបំពេញកិច្ចការ គេយកចិត្តទុកដាក់ ហើយមានភាពហ្មត់ចត់នឹងការងារ។ លទ្ធផលនៃការងាររបស់គេតែងមានគុណភាពខ្ពស់ ដូចជាឡានផលិតនៅជប៉ុន គ្រឿងម៉ាស៊ីនផលិតនៅអាល្លឺម៉ង់ ឬនាឡិកាផលិតនៅប្រទេសស្វីសជាដើម។

២. មានវិន័យ

លក្ខណៈសម្គាល់មួយនៃអត្តចរិតជឿនលឿនគឺការគោរពវិន័យ។ បើអ្នកបានទៅប្រទេសសឹង្ហបុរី អ្នកនឹងចាប់អារម្មណ៍អំពីសណ្តាប់ធ្នាប់ដ៏ល្អប្រពៃនៃការរៀបចំចាត់ចែងចាប់តាំងពីក្នុងព្រលានយន្តហោះទៅ។ អ្នកនឹងឃើញការចេះតម្រង់ជួររបស់ប្រជាពលរដ្ឋ ពេលចូលទិញសំបុត្រ ឡើងរថភ្លើង ឬឡានក្រុង។ បើអ្នកក្រឡេកមើលអំពីការបើកបរយានយន្ត អ្នកនឹងឃើញអំពីសណ្តាប់ធ្នាប់នៃការបើកបរ និងការគោរពច្បាប់ចរាចរណ៍យ៉ាងខ្ជាប់ខ្ជួន។ បើអ្នកដើរលេងតាមផ្លូវ ហើយសង្កេតមើលដោយយកចិត្តទុកដាក់ អ្នកនឹងមិនឃើញនរណាម្នាក់ចោលសំរាមតាមផ្លូវដោយអត់របៀបឡើយ។ បើអ្នកបានស្គាល់អំពីប្រទេសអាល្លឺម៉ង់ អ្នកនឹងចាប់អារម្មណ៍ថា ប្រជាពលរដ្ឋប្រទេសនេះគោរពពេលវេលាបានល្អប្រសើរណាស់។

៣. ពឹងលើខ្លួនឯង

កាលពីឆ្នាំ ២០១១ ប្រទេសជប៉ុនបានទទួលរងការបំផ្លាញយ៉ាងដំណំពីការរញ្ជួយផែនដីដ៏ធំ និងរលកយក្សស៊ូណាមី ដែលសម្លាប់ជីវិតមនុស្សរហូតដល់ជាង ១៦,០០០នាក់ និងបំផ្លាញទ្រព្យសម្បត្តិយ៉ាងច្រើន។ សហរដ្ឋអាមេរិក និងប្រទេសដទៃប្រកាសចង់ផ្តល់ជំនួយមនុស្សធម៌ និងសង្គ្រោះបន្ទាន់ដល់ប្រទេសជប៉ុនសម្រាប់គ្រាដ៏លំបាកនោះ។ រាជរដ្ឋាភិបាលនិងប្រជាជនជប៉ុនបានតបវិញថា គេអរគុណហើយចំពោះទឹកចិត្តដ៏ថ្លៃថ្លានេះ ក៏ប៉ុន្តែ ជប៉ុនមិនទាន់ត្រូវការជំនួយនៅឡើយទេ គេនៅអាចជួយខ្លួនឯងបាន ចំពោះស្ថានការណ៍នេះ។ នេះហើយជាអត្តចរិតនៃពលរដ្ឋដែលជឿនលឿន គឺគេតែងខំប្រឹងពឹងលើខ្លួនគេជាចម្បង នៅពេលមានវិបត្តិ ឬបញ្ហាប្រឈមកើតឡើងក្នុងសង្គមរបស់គេ ពីព្រោះគេចង់រក្សា និងបង្កើនភាពខ្លាំងរបស់គេ។

៤. ចូលចិត្តអាន និងស្វែងយល់អំពីបញ្ហាសង្គម និងនយោបាយ

អ្នកនឹងចាប់អារម្មណ៍អំពីភាពខុសគ្នា នៅពេលអ្នកជិះយន្តហោះទៅស្រុកគេ។ អ្នកនឹងសង្កេតឃើញយុវជនមកពីប្រទេសជឿនលឿនកាន់សៀវភៅអាននៅក្នុងយន្តហោះ ឬពេលសម្រាកក្នុងព្រលាន នៅពេលយុវជនមកពីប្រទេសក្រីក្រអង្គុយលេងហ្គេម ឬដើរទិញទំនិញ។ ការអានដើម្បីបង្កើនចំណេះដឹង និងស្វែងយល់អំពីសង្គមនិងនយោបាយ គឺជាទម្លាប់របស់ប្រជាពលរដ្ឋដែលមានអត្តចរិតជឿនលឿន ហេតុនេះហើយទើបប្រជាពលរដ្ឋនៅប្រទេសជឿនលឿនមានការយល់ដឹងខ្ពស់ មានសីលធម៌ និងសេចក្តីថ្លៃថ្នូរ។ ជាលទ្ធផល គេទទួលបានអ្នកដឹកនាំល្អ មានសង្គមដែលមានសណ្តាប់ធ្នាប់ ពីព្រោះគេយល់ គេដឹង និងគេខ្វល់អំពីសង្គមរបស់គេ។

៥. សន្សំ វិនិយោគ និងមានគំនិតច្នៃប្រឌិត

នៅប្រទេសជឿនលឿន អ្នកដឹកនាំបណ្តុះ និងគាំទ្រប្រជាពលរដ្ឋឲ្យចេះសន្សំ វិនិយោគ និងបង្កើតគំនិតច្នៃប្រឌិតផ្សេងៗ។ នៅក្នុងកម្មវិធីសិក្សា មានការយកចិត្តទុកដាក់បង្រៀនអំពីការវិនិយោគ សហគ្រិនភាព និងភាពជាអ្នកដឹកនាំ។ រដ្ឋាភិបាល និងសហគ្រាសធំៗមានកម្មវិធីគាំទ្រការសិក្សាស្រាវជ្រាវ ដើម្បីបង្កើតគំនិតច្នៃប្រឌិតថ្មីៗ។ ហេតុដូចនេះហើយ ទើបយើងឃើញបច្ចេកវិទ្យាថ្មីៗ ផលិតផលថ្មីៗ ត្រូវបានផលិតឡើងនៅប្រទេសជឿនលឿន។ តាមរយៈការខំប្រឹង​បណ្តុះ និងផ្តល់គំរូល្អពីអ្នកដឹកនាំ និងមានកម្មវិធីគាំទ្រពីរដ្ឋាភិបាល ប្រជាពលរដ្ឋបានបង្កើតទម្លាប់សន្សំ​ វិនិយោគ និងបង្កើតគំនិតច្នៃប្រឌិត ដែលរុញឲ្យប្រទេសជាតិមានការរីកលូតលាស់ជាលំដាប់។

គួរកត់សម្គាល់ថា ពលរដ្ឋដែលមានអត្តចរិតជឿនលឿនបច្ចុប្បន្ន ក៏ធ្លាប់មានអត្តចរិតអន់ថយពីអតីតកាលដែរ ហើយប្រជាជាតិដែលមានអត្តចរិតអន់ថយបច្ចុប្បន្ន ក៏ធ្លាប់មានអត្តចរិតជឿនលឿនកាលពីអតីតកាលដែរ។ នៅពេលដែលប្រជាពលរដ្ឋខ្មែរមានអត្តចរិតជឿនលឿនអាចសាងសង់ប្រាង្គប្រាសាទរាប់ពាន់បាន កាលពីជាង ១០០០ឆ្នាំមុន ពេលនោះ ប្រជាពលរដ្ឋអាល្លឺម៉ង់រស់នៅបែបជាកុលសម្ព័ន្ធនៅឡើយទេ។

តើអ្វីជាកត្តាចម្បងដែលធ្វើឲ្យជាតិមួយមានប្រជាពលរដ្ឋមានអត្តចរិតអន់ថយ ឬមានអត្តចរិតជឿនលឿន? លោក John Maxwell អ្នកជំនាញអំពីភាពជាអ្នកដឹកនាំកំរិតពិភពលោកបានកត់សម្គាល់ថា “អ្វីៗគ្រប់យ៉ាងងើបឡើង ឬធ្លាក់ចុះ ដោយសារតែភាពជាអ្នកដឹកនាំ”។ ទស្សនវិស័យ និងឥទ្ធិពលរបស់អ្នកដឹកនាំក្នុងវិស័យនយោបាយ សេដ្ឋកិច្ច សង្គម និងសិល្បៈមានសារសំខាន់ខ្លាំងណាស់ទៅលើការកសាងអត្តចរិតរបស់ប្រជាជាតិមួយ។

— រៀបរៀងដោយ សាម អ៊ីន ខែ កញ្ញា ២០១៨

— អត្ថបទទាក់ទង ៖

១. ស្អប់យួន ខឹងសៀម ឈាមខ្មែរមិនថ្លៃថ្នូរទេ
២. តើអ្នកកើតមកជាកូនខ្មែរដើម្បីអ្វី?
៣. តើសង្គមខ្មែរពិតជាស្អប់ខ្ពើមអំពើពុករលួយមែនឬទេ?
8 Comments
  1. kèo nhà cái says

    I just like the valuable information you supply on your articles.
    I will bookmark your blog and check again right here regularly.
    I am moderately certain I’ll be told a lot of new stuff right right
    here! Good luck for the next! http://cado789.com

  2. link 188bet says

    Hi there! This is kind of off topic but I need some
    guidance from an established blog. Is it tough to set
    up your own blog? I’m not very techincal but I can figure things out
    pretty fast. I’m thinking about setting up my own but
    I’m not sure where to begin. Do you have any tips or suggestions?
    Appreciate it https://getpocket.com/redirect?url=http://www.mbet88vn.com

  3. 카지노사이트주소 says

    It’s an amazing post for all the online visitors; they will get advantage from it I am sure.

  4. link 188bet says

    Please let me know if you’re looking for a article writer for
    your site. You have some really great posts and I think I would
    be a good asset. If you ever want to take some of the load off, I’d really like to write some material for your blog in exchange for a link back
    to mine. Please send me an email if interested.
    Regards! http://www.tdem.ru/bitrix/rk.php?goto=http://www.mbet88vn.com

  5. keo nha cai says

    Great post. I was checking constantly this blog and I am impressed!
    Very useful info particularly the last part 🙂 I care for such information much.
    I was seeking this certain info for a long time. Thank you and best
    of luck. http://keo365.com/the-thao

  6. 토토사이트 says

    Your way of telling all in this post is truly fastidious, all be able to simply be aware
    of it, Thanks a lot.

  7. joker casino nis says

    Link your keywords to internal pages of the site to increase your internal link importance.

    Search engine optimization of your of one of the most powerful connected with traffic generation available. http://pangerduo.com/home.php?mod=space&uid=254975&do=profile&from=space

  8. palace casino lucky wheel says

    Make your website colorful with nice relevant artwork.
    Your income would be recurring basically will continuously
    pay for their hosting. Is the Penguin not so good news for SEO and operating a blog? http://www.jameslsorensonattorney.com/__media__/js/netsoltrademark.php?d=918kiss.bid%2Fdownloads%2F220-download-lpe88&popup=1

Reply To Ronaldincaf
Cancel Reply

Your email address will not be published.